 |
| THE SIDELINERS There's jist twa kin o fowk: Them that faas tee in dis things An them that sits on the sidelines An complains. The side-liners, They sit ahin their newspapers An faa in wi a the ill bits o news. Or they sit afore their TVs An see hellafa things happenin Aa roon the warl. His anes that faas tee, We ken fine There's ill things happenin Awye, Bit we're tryin ti dee Fit we can Faar we are, Nae burnin oot wir insides Aboot the thingswe canna help. An fin we're deein Fit we can Faar we are, We see Rainbows, The hairst meen, The winter stars, The wild geese , Cats purrin, Dogs waggin, Bairns lachin, Roch-lookinloons Cairryin birns Ti aal fowk, Paintet quines Bosyin greetin geets. Aye, God Himsel Still walks the warl. The Deil Hisna sic a haad As them it sits on the sidelines Wid hae's believe. |
||
| © P J Goodall | ||
 |
