The Sax-Figure Number

The Sax-Figure Number

THE SAX-FIGURE NUMBER

Ach, chyach,
Aa'm nae gyan ti try
For the sax-figure number.
If ye wis a millionaire
Ye widna ken
Faa wis yer freens
An faa wis haaders in.

An syne ye wid hae ti hae
Yer ain sweemin pool,
An ye wid hae the cleanin oot o't
Yersel.
Ye wid need a hail team o experts
Ti dee awa wi thon microscopic vratches,
Verrucas an Athlete's Fit an sic like
That Aiberdeenshire Cooncil diz awa wi
Doon at oor local pool.

Ye can sweem there
Ilka mornin o the 'ear
Wi a puckle like mindet fowk
It's early risers,
An get aa the toon news,
The ambient temperature
In Gordon Street,
The wind speed in Ythanwells,
The exchange rate
In Lumsden an Teneriffe,
Faa's deid,
Faa wis kickin up a din
Ootside Gateway,
(Nae Huntly fouk, of coorse!)

It's shortsome
Compared wi bein a millionaire
Plouterin up in doon
Yer ain private pool
Wi naebody for company
Bit haaders in
An the microscopic vratches
It yer squad o privatised exterminators
Didna manage ti dee awa wi.

Naa! Naa!
Aa'm nae gyan ti try
For the sax -figure number
In the National Lottery!
Fower or five noo'n again
'll dee me fine.

© P J Goodall

	THE SAX-FIGURE NUMBER Ach, chyach, Aa'm nae gyan ti try For the sax-figure number. If ye wis a millionaire Ye widna ken Faa wis yer freens An faa wis haaders in. An syne ye wid hae ti hae Yer ain sweemin pool, An ye wid hae the cleanin oot o't Yersel. Ye wid need a hail team o experts Ti dee awa wi thon microscopic vratches, Verrucas an Athlete's Fit an sic like That Aiberdeenshire Cooncil diz awa wi Doon at oor local pool. Ye can sweem there Ilka mornin o the 'ear Wi a puckle like mindet fowk It's early risers, An get aa the toon news, The ambient temperature In Gordon Street, The wind speed in Ythanwells, The exchange rate In Lumsden an Teneriffe, Faa's deid, Faa wis kickin up a din Ootside Gateway, (Nae Huntly fouk, of coorse!) It's shortsome Compared wi bein a millionaire Plouterin up in doon Yer ain private pool Wi naebody for company Bit haaders in An the microscopic vratches It yer squad o privatised exterminators Didna manage ti dee awa wi. Naa! Naa! Aa'm nae gyan ti try For the sax -figure number In the National Lottery! Fower or five noo'n again 'll dee me fine.
	© P J Goodall